Iha serimonia entrega rai iha suku Uma Quic Munisípiu Viqueque, Ministru Agrikultura Pekuária Pesak no Floresta Marcos “MAMETA” da Cruz iha nia diskursu, Viqueque ne’e rai ne’ebé mak bokur no potensia ba setór ekonomía laos de’it ba área agrikultura, pekuária, peska no floresta maibé riku mós iha buat seluk hanesan mina, gas no buat seluk tanba ne’e Munisípiu ne’e iha dezenvolvimentu setór ekonomía ne’ebé mak boot.” Ha’u agradese ba komunidade sira ne’ebé mak entrega rai ne’e maibé ba oin ita servisu hamutuk nafatin tanba governu mesak sei labele halo buat ida maibé kuandu kontibuisaun husi povu sei dezenvolve buat diak iha futuru”.

Ministru realsa, Rai ba setór agrikultura ne’e boot hahú husi kosta Súl parte lakluta to’o Uatucarbau ne’e potensia boot ba agrikultura maibé agrikultór sira foin halo natar iha parte Uatulari no Uatucarbau maibé área barak seidauk halo tanba limitasaun ba infranstrutura baziku hanesan Irrigasaun ne’eduni governu liu husi Minist’eriu halo ona estudu ida mota iha suku um aquic ne’e atu kanaliza be ba natar sira maibé ne’e sei fazeadamente tanba setór agrikultura la’os halo natar de’it maibé iha potensia mós ba halo to’os atu dezenvolve buat sira ne’e presiza rekurzu Umanu, kapasidade, fasilidade maibé durante ne’e Ministériu tau ona tratór boot balun hodi fasilita agrikutlór sira maibé ita presiza atu dezenvolve nafatin iha futuru.

Iha nunu Governu ne’e tau inportansia ba setór Agrikutura, Pekuária, Peska no Floresta tanba ne’e iha Ministériu Agrikultura iha Sekretáriu Estadu Pekuaria ne’ebé mak koalia konaba animál ne’e oinsá mak iha kriasaun animál ne’ebé mak diak tanba laos koalia de’it konaba kuantidade naan maibé mós na’an no susuben ne’ebé mak produz husi karau mean ho metan maib’e durante ne’e karau hirak ne’e komunidade sira husik de’it loron hasai husi luha hodi hein no kalan sulan fali tanba ne’e mak parte pekuaria haree oinsa mak karau hirak ne’e bele habokur atu bele isin diak hodi bele produz naan no susuben ne’ebé mak diak kualidade diak nune’e bele atende ba mal nutrisaun iha nasaun ne’e. “pekuaria la’os de’it karau maibé koalia mós kona manu, fahi, bibi maibé banhira hakiak fahi mós iha problema tanba kuandu fahi ne’e mós ona ne’e tenki mate no bele da’et ba seluk mós bele mate barak tanba aimoruk ba fahi moras ne’e laiha maibé fahi atu labele mate tenki kuidadu no hamo’os fahi luhan”. Tenik Ministru

Ministru reforsa katak iha Timor-leste problema konaba mal nutrisaun hanesan oan sira badak de’it, isin krekas no kabun boot (tek) ne’e mak dehan falta gizi tanba ne’e mak presiza fo han na’an, hemu susu ben maibé problema ne’ebé mak Timor hasoru mak susuben ne’eduni komunidade sira entrga rai ne’e atu bele kria sentru hodi hakaik karau ne’eduni iha futuru bele produz susuben ne’ebé mak kualidade diak tanba ne’e serimonia entrega rai ne’e laos fpoin dahuluk maibé iha tinan hira liu ba komunidade Viqueque mós entrega rai iha parte Ratahu nian dadaun ne’e dezenvolve setór agrikultura, pekuaria no akuakultuta (hakiak ikan be midar) tanba Ministériu estabele sentru pekuaria iha Ratahu ne’ebé mak hakiak karau iha futuru tu produz susuben.

Iha fatin hanesan, Sekretáriu Estadu Terras e Proriadade, Jaime Xavier Lopes esplika komunidade sira entrega rai ba MAPPF atu kria sentru pekuária hodi hakiak karau ba produsaun susuben tanba ne’e komunidade sei entrega ba PAM no entrega Ministériu depois mak entrega fali ba Terras Propriadade ne’eduni ba oin sei halo dezenvolvimentu tanba atu koalia konaba dezenvolvimentu la’os governu de’it ne’eduni komunidade sira ne’ebé mak iha rai entrega ba governu atu nune’e ba o in governu halo netik buat ruma hodi dezenvolve ekonomia ba rai Viqueque ne’e tomak.

Nia hatutan, atu garantia estatu rai ne’e

Nune’e mós Presidenti Autoridade Municipal Viqueque Fransisco C. S Gonzaga Soares agradese ba Ministériu Agrikultura Pekuária Peska no Floresta hodi bele simu rai husi komunidade iha suku ida uma quic atu bele halo dezenvolvimentu ba konstrusaun karau susuben nian iha suku ida ne’e tanba ne’e PAM husu ba Komunidade sira katak banhira hahú projeitu ne’e labele iha inpedementu tanba iha tempu badak mós husi suku Maluru no lakluta mós sei entrega ba governu hodi halo sidade foun ba Munisípiu Viqueque no sei kria sentru hakiak karau hodi produs karau susuben iha futuru. Ekipa DMEA